Претпладне слаб локален дожд и магла, во текот на денот сончево со мала облачност
- Времето претпладне во западните и источните делови ќе биде со услови за слаб локален дожд, а по одделни котлини ќе има појава на магла. Во текот на денот сончево со мала, а во западните делови со умерена до значителна облачност. Ќе дува слаб ветер од северозападен правец. Минималната температура ќе биде во интервал од -2 до 3, а максималната ќе достигне од 8 до 15 степени.
![Претпладне слаб локален дожд и магла, во текот на денот сончево со мала облачност](https://mia.mk/index.php/images/20231211164917_big_730x400_44.webp )
Cкопје, 12 декември 2023 (МИА) - Времето претпладне во западните и источните делови ќе биде со услови за слаб локален дожд, а по одделни котлини ќе има појава на магла. Во текот на денот сончево со мала, а во западните делови со умерена до значителна облачност. Ќе дува слаб ветер од северозападен правец. Минималната температура ќе биде во интервал од -2 до 3, а максималната ќе достигне од 8 до 15 степени.
Во Скопје претпладне ќе има услови за појава на магла, преку денот сончево со мала до умерена облачност. Минималната температура ќе се спушти до 1, а максималната ќе достигне до 10 степени.
До четврток ќе се задржи претежно стабилно време со појава на магла по котлините. Дневната температура ќе биде во пораст, освен по одделни котлини каде ќе има појава на магла или ниска облачност. Од четврток попладне до сабота времето ќе биде променливо облачно со врнежи од дожд, а на планините од снег. Во петок и во сабота ќе дува засилен северен ветер и врнежите ќе преминат во снег и на повисоките места. Температурата насекаде ќе опадне. ев/мд/
Фото: МИА Архива