Пребројување на пеликаните од Преспанско Езеро по повод Меѓународниот ден на биолошката разновидност
- Со пребројување на пеликаните од Преспанското Езеро, Македонското еколошко друштво во соработка со Општина Ресен и Националниот парк „Галичица“ денеска ќе го одбележи Меѓународниот ден на био
![Пребројување на пеликаните од Преспанско Езеро по повод Меѓународниот ден на биолошката разновидност](https://mia.mk/index.php/images/20221103221837_big_730x400_15.webp )
Скопје, 22 мај 2020 (МИА) - Со пребројување на пеликаните од Преспанското Езеро, Македонското еколошко друштво во соработка со Општина Ресен и Националниот парк „Галичица“ денеска ќе го одбележи Меѓународниот ден на биолошката разновидност - 22 мај.
Од МЕД информираат дека целта на одбележувањето е доближување на природните убавини на земјата. Посочуваат дека во текот на денот на социјалните мрежи ќе споделуваат слики и видеа од теренската активност за пребројување на пеликаните во Преспа.
-Пребројувањето на пеликаните е прекугранична активност што ги вклучува и нашите партнерски организации од Грција и Албанија - Друштвото за заштита на Преспа и Друштвото за заштита на животната средина во Албанија. Затоа следете не на фејсбук и инстаграм и уживајте во глетките од Преспанското Езеро, соопшти Македонското еколошко друштво
Броењето на пеликаните МЕД го спроведува од 2013 година. Пеликаните кои секојдневно доаѓаат да се хранат во македонскиот и албанскиот дел од Големото Преспанско Езеро, како што наведува друштвото, припаѓаат на најголемата гнездечка популација на овој вид во светот, која се наоѓа на Малото Преспанско Езеро, и ја нагласува неопходноста од заедничка соработка во напорите за зачувување на биолошката разновидност.
Темата на годинашното прославување на Меѓународниот ден на биолошка разновидност е „Природата нуди решенија“.бт/бак/
![](/articles/images/prebro-uva-e-na-pelikanite-od-prespansko-ezero-po-povod-me-unarodniot-/khMwa2pVe/placeholder.webp?use_watermark=0)