Битола, 12 јуни 2023 (МИА) - Почнаа работни активности на терен за изградба на паркинг простор и канализација за одводнување со пристап од улиците „Цане Василев“ и „Кочани“ во Битола.

Градежниот зафат се врши по комплетното расчистување на просторот и отстранувањето на диво поставените времени објекти.

-Со реализација на проектот ќе се овозможи уредување на долги години запуштениот простор и ќе се изгради нов паркинг за 34 автомобили. Во моментот се работи на канализационата мрежа и одводнувањето во должина од 112,4 метри, соопштија од Општина Битола.

Вкупната инвестиција за новиот паркинг изнесува четири милиони денари, потврдија од локалната самоуправа. мт/цр

Фото: Општина Битола