Потврдена пресудата на Максвел за помагање на Епштајн во трговијата со млади девојки
- Американска судијка ја потврди пресудата на Британката Гислајн Максвел за трговија со луѓе за сексуална експлоатација и го одби нејзиното барање за ново судење.
![Потврдена пресудата на Максвел за помагање на Епштајн во трговијата со млади девојки](https://mia.mk/index.php/images/20221112163409_big_730x400_16.webp )
Вашингтон, 2 април 2022 (МИА) - Американска судијка ја потврди пресудата на Британката Гислајн Максвел за трговија со луѓе за сексуална експлоатација и го одби нејзиното барање за ново судење.
Максвел побара ново судење откако се покажа дека еден член на поротата претходно не рекол дека и самиот бил жртва на сексуално насилство. Адвокатите на 60-годишната Британка тврдеа дека процесот не бил „фер и непристрасен“.
Судијката Алисон Нејтан одби ново судење неколку недели по испрашувањето на поротник во Њујорк.
Максвел беше прогласена за виновна во декември минатата година за врбување ранливи тинејџерки за сексуална експлоатација на нејзиниот партнер Џефри Епштајн помеѓу 1994 и 2004 година. паг/