Скопје, 25 мај 2024 (МИА) – ЈП „Водовод и канализација“ информира дека вечерва од 21 часот до 05 часот наутро в недела, ќе се спроведе реализација на реконструкција на водоводна мрежа во реон Водно, во кој период без вода ќе бидат дел од жителите од реон Водно и Козле, Клиничкиот центар „Мајка Тереза“, Јавната здравствена установа Универзитетска клиника за респираторни заболувања кај децата Козле-Скопје, Вила Водно и резиденцијални објекти во реон Водно.

Оттаму додаваат дека за покривање на потребите за вода за пиење во здравствените установи цистерни со питка вода ќе бидат поставени пред Клинички Центар „Мајка Тереза“ и Детската болница „Козле“, додека цистерни со вода за пиење ќе бидат подготвени во Дежурната служба на Водовод Скопје, кои на повик ќе гравитираат врз основа на потребите на граѓаните во периодот од 21 до 05 часот.

Од ЈП „Водовод и канализација“, информираат дека реализацијата на реконструкција на водоводната мрежа предвидува целосна замена на старата со нова мрежа, со што, како што посочуваат, ќе се овозможи подобро водоснабдување за граѓаните во овој дел на градот без дефекти и загуби на вода. аа/

Фото: МИА архива