Куманово, 24 јули 2023 (МИА) - Кумановец возел под дејство на алкохол и по извршеното алкотестирање, полицијата му измерила, 4.86 промили соопшти денеска СВР Куманово. Тој е само еден од вкупно 39 санкционирани возачи кои управувале возило под дејство на алкохол откриени и санкционирано во акциската контрола на подрачјето на секторот за внатрешни работи Куманово што беше спроведена викендов.

На подрачјето на Куманово санкционирани се вкупно 166 возачи, од кои 94 управувале возило со брзина поголема од пропишаната, 15 за управување возило без возачка дозвола, три за нерегистрирано возило и 15 мотоциклисти за неносење заштитен шлем.

Сообраќајните контроли ќе продолжат и наредните денови.

- Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, велат од кумановската полиција. ам/мч/

Фото: СВР Куманово и МИА