Полицајци осомничени за нанесување тешка телесна повреда и за малтретирање во вршење на службата
- Според сомнежите, пријавените во својство на полициски службеници, при преземање службени дејства над оштетениот А.З. од Скопје, затекнат при обид за кражба, неовластено и прекумерно употребиле физичка сила и му нанеле тешки телесни повреди.
![Полицајци осомничени за нанесување тешка телесна повреда и за малтретирање во вршење на службата](https://mia.mk/index.php/images/20231120150940_big_730x400_61.webp )
Скопје, 20 ноември 2023 (МИА) - Поднесена е кривична пријава против тројца полициски службеници, осомничени за нанесување тешка телесна повреда и за малтретирање во вршење на службата, соопшти попладнево Министерството за внатрешни работи.
- Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција - Одделение за гонење на лица со полициски овластувања и затворска полиција, поднесе кривична пријава против П.Р., Б.П. и К.Г., полициски службеници при СВР Скопје, поради постоење основи на сомнение дека сториле кривично дело „тешка телесна повреда“ по член 131 став 3 во врска со кривично дело „малтретирање во вршење на службата“ по член 143 од КЗ, се појаснува во соопштението.
Пријавените во својство на полициски службеници, при преземање службени дејства над оштетениот А.З. од Скопје, затекнат при обид за кражба, неовластено и прекумерно употребиле физичка сила и му нанеле тешки телесни повреди.
- Одделот за внатрешна контрола, криминалистички истраги и професионални стандарди при МВР, ќе покрене постапка за утврдување на дисциплинска одговорност, а полициските службеници ќе бидат суспендирани од своите работни места до завршување на постапката, се додава во соопштението на МВР. бд/нд/
Фото: МИА архива