„Поетроника“ во Македонски народен театар
- Во Македонскиот народен театар вечерва од 21 часот ќе се одржи „Поетроника“, музичко-сценски електронски акт изведен во живо од страна на неговите творци, актерот Оливер Митковски и музичарот Андреја Салпе.
![„Поетроника“ во Македонски народен театар](https://mia.mk/index.php/images/20230607171205_big_730x400_65.webp )
Скопје, 8 јуни 2023 (МИА) – Во Македонскиот народен театар вечер од 21 часот ќе се одржи „Поетроника“, музичко-сценски електронски акт изведен во живо од страна на неговите творци, актерот Оливер Митковски и музичарот Андреја Салпе.
- Покрај спецификата дека станува збор конкретно за македонско поетско творештво опфаќајќи ги хронолошки сите генерации поети, „Поетроника“ се разликува од сите досегашни слични обиди во самиот пристап кон наративот и се труди да ги избегне стереотипите за тоа како се интерпретира и каква музичка форма прилега на едно поетско изразување. Длабоко интимна и емотивна симбиоза од електроника, амбиент, џез-елементи и драмска нарација лишена од баналност и патетика, велат од МНТ.
Проектот, како што дополнуваат, е еден вид на сведоштво за континуитетот и конзистентноста на македонското поетско творештво. ар/мд/
Фото: МНТ