Атина, 4 јули 2025 (МИА) – На 47 лица, меѓу кои најмалку десет деца, се зголеми бројот на повредени по судирот на два автобуси на атинскиот градскиот превоз во јужното приморско предградие на Атина, Вула, а од повредените тројца се во посериозна состојба, јави дописничката на МИА од Атина.

Несреќата се случила, од засега непознати причини, во близина на автобуска станица, автобусите се движеле еден зад друг, а голем дел од патниците биле млади лица кои оделе на плажа, со оглед на тоа што конкретните линии сообраќаат до плажите во областа Атика.

Министерот за здравство на Грција Адонис Георгиадис за грчката телевизија „Скај“ рече дека никој од повредените не е во животна опасност. ср/