Пиоли: Гледам дека Леао е среќен и подготвен да остане
- Тренерот на Милан, Стефано Пиоли зборуваше за играта и можната иднина на португалскиот напаѓач Рафаел Леао.
![Пиоли: Гледам дека Леао е среќен и подготвен да остане](https://mia.mk/index.php/images/20230104190337_big_730x400_96.webp )
Милано, 4 јануари 2023 (МИА) - Тренерот на Милан, Стефано Пиоли зборуваше за играта и можната иднина на португалскиот напаѓач Рафаел Леао.
- Разговарав со Леао и му реков дека процесот на неговиот напредок во нашите редови се уште не е завршен. Гледам дека е среќен и подготвен да остане тука. Денеска докажа дека може да биде шампион. Работеше со правилен став и стабилност, изјави Пиоли за „Sky Sport Italy“.
Дваесет и тригодишниот Португалец оваа сезона забележа 21 настап за Милан во сите натпреварувања и постигна осум гола и девет асистенции.
„Росонерите“ се на 2. место во поредокот на италијанскиот шампионат со 36 бодови од 16 кола. зс/