Пет деца загинаа во удар на гром во Гвинеја
- Пет деца, меѓу кои и 16-годишна бремена девојка, се убиени од гром во западноафриканската земја Гвинеја, соопшти локалната Влада.
![Пет деца загинаа во удар на гром во Гвинеја](https://mia.mk/index.php/images/20240409101612_big_730x400_71.webp )
Конакри, 19 јуни 2020 (МИА) - Пет деца, меѓу кои и 16-годишна бремена девојка, се убиени од гром во западноафриканската земја Гвинеја, соопшти локалната Влада.
Во „силното грмење“ повредени се уште седум лица, се вели во соопштение на Министерството за безбедност и цивилна заштита на земјата.
Жртвите присуствувале на церемонијата на крштевање и биле на возраст меѓу 2 и 17 години, се додава во документот.
Министерството не даде дополнителни детали.
Церемониите за крштевање во Гвинеја често се одвиваат на отворено, под дрвја или на бреговите на езерата. јт/