Пендаровски – Фајон: Извештајот на Европската комисија е јасен патоказ за понатамошно спроведување на домашните реформи
- Претседателот на државата Стево Пендаровски денеска ја прими вицепремиерка и министерка за надворешни работи на Словенија, Тања Фајон, која престојува во посета на земјава, инфомира прес-служ
![Пендаровски – Фајон: Извештајот на Европската комисија е јасен патоказ за понатамошно спроведување на домашните реформи](https://mia.mk/index.php/images/20221114005804_big_730x400_90.webp )
Скопје, 18 октомври 2022 (МИА) - Претседателот на државата Стево Пендаровски денеска ја прими вицепремиерка и министерка за надворешни работи на Словенија, Тања Фајон, која престојува во посета на земјава, инфомира прес-службата на шефот на државата.
Претседателот Пендаровски се заблагодари за силната словенечка поддршка за македонските интеграции во Европската Унија. Соговорниците споделија мислења и информации за извештајот на Европската комисија и оценија дека тој е јасен патоказ за понатамошно спроведување на домашните реформи.
На средбата се разговараше и за предизвиците од енергетската и економска криза, војната во Украина, како и регионалната соработка, европската и евроатлантската перспектива на Западен Балкан. сх/сп/
![Средба Пендаровски - Фајон](/articles/images/%d0%bf%d0%b5%d0%bd%d0%b4%d0%b0%d1%80%d0%be%d0%b2%d1%81%d0%ba%d0%b8-%d1/b50hPsl8Z/placeholder.webp?use_watermark=0)