Пелистер последен учесник во полуфиналето на кошаркарскиот Куп на Македонија
- Во последниот меч од четвртфиналето на Купот „Благоја Георгиевски-Буштур“, кошаркарите на Пелистер стигнаа до триумф над Феникс 2010 со 81:70 (35:38), и со тоа станаа последниот учесник во полуфиналето на кошаркарскиот Куп на Македонија.
![Пелистер последен учесник во полуфиналето на кошаркарскиот Куп на Македонија](https://mia.mk/index.php/images/20240215222751_big_730x400_90.webp )
Битола, 15 февруари 2024 (МИА) - Во последниот меч од четвртфиналето на Купот „Благоја Георгиевски-Буштур“, кошаркарите на Пелистер стигнаа до триумф над Феникс 2010 со 81:70 (35:38), и со тоа станаа последниот учесник во полуфиналето на кошаркарскиот Куп на Македонија.
Пред своите навивачи клубот од Битола го оправда статусот на фаворит, покажа добра игра и заслужено дојде до триумф. Избраниците на тренерот Дарко Радуловиќ го одиграа еден од најдобрите натпревари оваа сезона и со слична игра можат да се надеваат и за место во финалето.
Победниците ги предводеше Магдевски, кој реализираше 17 поени, го следеше Маслинко со 14, Стојановски имаше 11, а Најт уште 10 поени.
Во екипата на Феникс 2010, Џонс забележа 20 поени, додека Трајковски зад своето име запиша 16 поени и 11 скока.
Утре навечер, од 19.30 часот, Пелистер ќе го продолжи својот пат кон пехарот од Купот на Македонија, а следна пречка кон таа цел е кавадаречки Еуро Никел 2005.
Резултати:
Четвртфинале:
МЗТ Скопје Аеродром – Гостивар 91:76
Еуро Никел 2005 – Чаир 2030 87:79
Работнички – ТФТ Моцарт 75:68
Пелистер – Феникс 2010 81:70
Полуфинале:
16.февруари
17.00: МЗТ Скопје Аеродром – Работнички
19.30: Еуро Никел 2005 – Пелистер.дс
Фото: КФСМ