Панел: Земјоделството е 'рбетот на руралниот развој, да се обезбеди поголема поддршка за ЛАГ-овите
- Земјоделството е клучно за развој на руралните средини, но не помалку значајни се и другите ресори, посебно инфраструктурата, здравството, образованието и економијата. Со оглед дека ингеренци
![Панел: Земјоделството е 'рбетот на руралниот развој, да се обезбеди поголема поддршка за ЛАГ-овите](https://mia.mk/index.php/images/20221128063403_big_730x400_22.webp )
Скопје, 17 ноември 2022 (МИА) - Земјоделството е клучно за развој на руралните средини, но не помалку значајни се и другите ресори, посебно инфраструктурата, здравството, образованието и економијата. Со оглед дека ингеренциите на институциите се ограничени, неопходна е инклузивност - поврзување на општините, бизнисот и граѓанскиот сектор. Тоа засега го овозможуваат локалните акциски групи (ЛАГ-ови) иако поддршката за нивно функционирање е симболична, беше речено на денешниот панел за Кластерот 5 - „Ресурси, земјоделство и кохезија“.
Како што истакна претседателот на „Рурална мрежа“, Петар Ѓоргиевски, засега во земјава има 13 ЛАГ-ови, но тие на ја покриваат целата територија на државата.
-За да се подобри животот во руралните средини, клучни се многу активности, но земјоделството е 'рбетот. Целта е да се намали дисбалансот меѓу урбаните и руралните средини, да се намали јазот кој е многу изразен. Одиме во добар правец, тоа е нотирано и во Извештајот на Европската Комисија. Но, ингеренциите на институциите се ограничени, а заради комплексноста на руралниот развој, неопходна е поголема инклузивност и на другите ресори, инфраструктура, здравство, образование, економија,... Многу значајна алатка која ги обединува сите релевантни актери – општините, бизнисите и граѓанскиот сектор е локалната акциска група (ЛАГ). Процесот на формирање ЛАГ-ови е почнат, но тоа не е доволно. Воспоставен е и дијалог меѓу МЗШВ и ЛАГ-овите, но треба да се направи многу повеќе зашто некои од ЛАГ-овите постојат 7-8 години, а средствата што ги добиваат се симболични, истакна Ѓоргиевски.
Според него, процесот на поддршка на ЛАГ-овите мора да е подинамичен и побрз за да не се изгуби волјата и ентузијазмот што постои кај тие луѓе и за приказната да биде успешна.
На панелот се обратија и министерот за земјоделство Љупчо Николовски, директорот на Платежната агенција Никица Бачовски, директорот на Агенцијата за храна и ветеринарство Николче Бабовски, како и Орхидеја Каљошевска од инвестициската рамка за Западен Балкан. мч/дма/
![панел](/articles/images/d0bfd0b0d0bdd0b5d0bb-d0b7d0b5d0bcd198d0bed0b4d0b5d0bbd181d182d0b2d0bed/yhB3JcF7V/placeholder.webp?use_watermark=0)