Оштетен Споменикот на револуцијата во Тетово
- Изминатава ноќ оштетен е Споменикот на револуцијата во Тетово. Најверојатно со камења е искршен дел од предниот лик на ова спомен обележје посветено на загинатите борци во Народно-ослободител
![Оштетен Споменикот на револуцијата во Тетово](https://mia.mk/index.php/images/20221113225629_big_730x400_22.webp )
Тетово, 23 септември 2022 (МИА) - Изминатава ноќ оштетен е Споменикот на револуцијата во Тетово. Најверојатно со камења е искршен дел од предниот лик на ова спомен обележје посветено на загинатите борци во Народно-ослободителната војна.
Општинската организација на Сојузот на борци Тетово го осуди овој потег.
-Општинската организација на Сојузот на Борци најостро го осудува овој вандалски и нецивилизациски однос на поединци и групи кои го оштетиле споменикот на револуцијата, а кој ја симболизира антифашистичката борба на македонскиот народ и од другите националности кој несебично се жртвуваа за национана слобода. Бараме сторителите да бидат откриени и кривично да одговараат за стореното, реагираа од организацијата.
Вандалскиот чин го осудија и тетовските органоци на партиите ВМРО - ДПМНЕ и СДСМ.
Овој споменик е поставен во 1962 година, а е изработен од вајарката Борка Аврамова (1924-1993). Оригиналното име е Споменик на победата, додека во Тетово е познат како Споменик на револуцијата. ас/ев/