Тетово, 22 март 2024 (МИА) - Во просториите на Националниот парк Шар Планина во Тетово денеска беше промовирана едукативна патека за деца  „Истражија ја шумата“ по повод Светскиот ден на шумите и Светскиот ден на водите. 

Патеката е оформена со едукативни материјали поврзани со она што го има во заштитеното подрачје на Националниот парк, како за видовите на дрвја, растенија води, животни и друго.

Вработените во Национален парк денеска заедно со наставници ги запознаа учениците на практичен начин запознавајќи ги со природната разноликост.

- Тука на патеката секако децата ќе можат и да видат од видовите тоа што има во природа, сè што е природно. Ова секако ќе продолжи со други активности. Учениците ќе ја посетат Шара, ќе им биде овозможено на секое дете да засади по едно дрво, да му даде име, како и да се грижи додека се школува. Важно е децата за се вклучат во овој процесот за да овие деца и утре бидат амбасадори на Шара и да ја претстават на најдобар можен начин, изјави директорот на НП Шар Планина, Ибрахим Дехари.

Оваа едукативна патека која е оформена во кругот на установата е дел од поддршката која Националниот парк ја добива од меѓународната организација „Глобална Конзервација“ (Global Conservation).

- Подигањето на свеста кај децата е важна алатка за зачувување на природата. Ќе ја помагаме Шар Планина да ја зачува природната разноликост. Шар Планина е млад национален парк и морам да кажам дека директор е херој затоа што ги превенира да се случат нелегалните работи како што се дива сеча, недозволен лов и слично, изјави Мустафа Ѓулен директор за Европа и Азија во меѓународната организација „Глобална Конзервација“ (Global Global Conservation).

Националниот парк и организацијата ќе соработуваат и на други проекти. ас/дма/

фото: МИА