ОФК „Малеш“ Берово со парична поддршка од општината, цели кон влез во Втората фудбалска лига
- Со шестотини илјади денари од буџетот, Општина Берово ќе го помага фудбалот во Берово. Средствата се предвидени согласно програмата за спорт за 2021 година и како што информираше беровскиот г
![ОФК „Малеш“ Берово со парична поддршка од општината, цели кон влез во Втората фудбалска лига](https://mia.mk/index.php/images/20221105202320_big_730x400_93.webp )
Берово, 11 февруари 2021 (МИА) - Со шестотини илјади денари од буџетот, Општина Берово ќе го помага фудбалот во Берово. Средствата се предвидени согласно програмата за спорт за 2021 година и како што информираше беровскиот градоначалник Звонко Пекевски ќе бидат наменети за поддршка на Општинскиот фудбалски клуб „Малеш“, чија главна цел е искачување во повисок ранг на натпреварување.
- Средствата наменети за ОФК „Малеш“ остануваат во рамки на проектираните програми. За довршување на сезоната во Третата фудбалска лига Исток, каде се натпреварува екипата, се предвидени 600 илјади денари, а во вкупната програма за спорт, тие средства изнесуваат милион денари. Значи доколку фудбалерите успеат да влезат во повисок ранг на натпреварување, ќе добијат повеќе средства преку ребаланс на буџетот и ќе бидат изедначени со програмските средства внесени во самата програма за спорт за 2021 година, рече Пекевски.
![](/articles/images/ofk-malesh-berovo-so-parichna-poddrshka-od-opshtinata-celi-kon-vlez-vo/ofmPNcr4c/placeholder.webp?use_watermark=0)
Освен за спорт, оваа година како што додаде Пекевски се предвидени и средства за настани од културата.
- Тие средства се предвидени за одржување на Етно фестивалот. Да се надеваме дека оваа пандемија ќе заврши, за да можеме реално и во сферата на културата, годинава да организираме настани, со тоа што ќе ја презентираме општината и во домашни рамки, но и на меѓународна сцена, додаде Пекевски.
Етно плоштад фестивалот која е една од најреномираните манифестации во Малешевијата и пошироко, минатата година не се одржа поради пандемијата со Ковид-19. вс/зс/