„Отворен кабинет“ на министерот Спасовски на 29 септември во ОВР Крива Паланка
- Продолжува проектот „Отворен кабинет“ во рамки на утврдениот концепт „МВР за граѓаните“ што веќе се реализираше во СВР Штип, ОВР Струга, ОВР Кавадарци, СВР Тетово и СВР Битола, соопшти МВР.
![„Отворен кабинет“ на министерот Спасовски на 29 септември во ОВР Крива Паланка](https://mia.mk/index.php/images/20230920100739_big_730x400_84.webp )
Скопје, 20 септември 2023 (МИА) - Продолжува проектот „Отворен кабинет“ во рамки на утврдениот концепт „МВР за граѓаните“ што веќе се реализираше во СВР Штип, ОВР Струга, ОВР Кавадарци, СВР Тетово и СВР Битола, соопшти МВР.
-Ако имате прашање за министерот, идеја која сметате дека ќе ја подобри безбедноста, предлог за подобрување на севкупното работење на полицијата – а притоа досега не сте имале можност да ја презентирате во неговиот Кабинет во Министерството за внатрешни работи, Кабинетот на министерот Спасовски на еден ден ќе дојде кај вас – во Секторот за внатрешни работи кој го покрива подрачјето каде што живеете, наведува МВР.
„Отворениот кабинет“ ќе продолжи на 29 септември, во просториите на ОВР Крива Паланка.
-Ги очекуваме граѓаните од ова подрачје во текот на оваа недела, телефонски на бројот 072 33 31 85 или електронски на MVRJAVNOST@moi.gov.mk, да си закажат термин за средба со министерот, а неговиот тим ќе ве пречека и ќе ви овозможи и вашето мислење да добие на значење, да бидете дел од процесот на креирање политики во врска со безбедноста која нѐ засега сите нас. Да докажеме уште еднаш дека полицијата е во служба на граѓаните и мислењето на секој граѓанин ни значи, истакнува МВР. мч/лв/
фото: МВР