Отворен ден на младите на Црвениот крст во Охрид
- Клубот на млади на Општинската организација на Црвениот крст од Охрид по повод Меѓународниот ден на младите под мотото „Од млади за млади“ денеска отганизира Отворен ден на Градскиот плоштад „Св.Климент Охридски“.
![Отворен ден на младите на Црвениот крст во Охрид](https://mia.mk/index.php/images/20240812080628_big_730x400_86.webp )
Охрид, 12 август 2024 (МИА) – Клубот на млади на Општинската организација на Црвениот крст од Охрид по повод Меѓународниот ден на младите под мотото „Од млади за млади“ денеска организира Отворен ден на Градскиот плоштад „Св.Климент Охридски“.
На настанот предвиден да почне од 19 часот младите волонтери на Црвен крст - Охрид ќе презентираат бројни активности во рамки на здравствено-превентивната дејност, првата помош, спасувањето на вода и планина, а најавена е и забава.
Посетителите, особено младите, ќе имаат можност, во зависност од своите желби и афинитети, да пополнат пристапници и се приклучат во најголемото хуманитарно семејство во светот за со своето делување да придонесат во намалување на ранливоста на населението. аб/мд/
фото: плакат