Париз, 8 јануари 2022 (МИА) – Четири години затвор доби лицето кое на социјалните мрежи ја објави снимката од обезглавувањето на  професорот по историја Самуел Пати, убиен на 16 октомври 2020 година недалеку од училиштето каде што работеше, поради прикажување карикатури на Мухамед на неговите ученици, јави дописникот на МИА од Париз.

Осудениот (31) и претходно бил осудуван поради расистички коментари на Интернет во октомври 2020 година.

Според Франс Инфо, му се судело особено за „јавна провокација за извршување кривично дело“, „оправдување на терористички чин“ и „јавно поттикнување омраза или насилство поради потеклото, етничката припадност, нацијата, расата или религијата“. тг/паг/