Манчестер, 7 март 2025 (МИА) - Манчестер јунајтед може да се соочи со голем проблем доколку настојува за договор за Виктор Осимен.

Сепак, ништо не напредува во оваа фаза, бидејќи Јунајтед знае дека ќе има потешкотии да финансира договор за него. Клаузулата за ослободување на напаѓачот ќе се намали на 75 милиони евра ова лето. Осимен бара неделна плата од 250.000 фунти или повеќе, а исто така бара и постојан договор.

Додавајќи ги таксите за агентите, вкупните трошоци го отежнуваат преселувањето на „Олд Трафорд“, освен ако Наполи или Осимен не се согласат на позајмица.

Осимен веќе одбил трансфер на „Олд Трафорд“ пред да се приклучи на Наполи од Лил во 2020 година, откако разговарал со Одион Игало, кој тогаш беше дел од „црвените ѓаволи“, пишуваат медиумите на Островот.

Минатата сезона, 26-годишниот фудбалер постигна 17 гола и даде 4 асистенции на 32 натпревари за Наполи, а оваа кампања, за време на неговата позајмица во Галатасарај, тој ја затресе мрежата 22 пати и даде 5 асистенции на 28 натпревари во сите натпреварувања. дс

Фото: Архива