Оружје и муниција пронајдени при претрес во кичевско Грешница, приведено едно лице
Скопје, 26 октомври 2024 (МИА) - Оружје и муниција биле пронајдени при претрес во кичевското село Грешница. Приведено е едно лице.
- Синоќа во 22:10 часот, во кичевското село Зајас, лишен од слобода е У.Р., на возраст од 50 години од Грешница. При претрес во неговиот дом во селото Грешница, извршен по судска наредба, полициските службеници пронајдоа и одзедоа три автоматски пушки калибар 7,62 милиметри, една ловна пушка, 10 ловни патрони и 188 куршуми калибар 7,62 милиметри, што неовластено ги поседувал, информираат од МВР.
По целосно документирање на настанот, против него ќе биде поднесена соодветна пријава. бд/бак/
Фото: Министерство за внатрешни работи
