20 декември 2023 

Општина Центар започна со отстранување на нелегално поставени објекти на јавна површина како што се диви доградби и тераси, со кои се узурпира јавниот простор.

Акцијата започна денеска со отстранување на бесправно изградена барака на ул. Антоние Грубишиќ.

Општина Центар го спроведува отстранувањето на оваа напуштена и нефункционална барака за да обезбеди безбеден пристап на учениците до основното училиште Коле Неделковски. Со тоа ќе се прошири постоечкиот влез во ова училиште, со што излегуваме во пресрет на барањата на засегнатите жители, родителите и самото училиште.

,,Повторно упатувам апел до сите инвеститори, сопственици на нелегални објекти и доградби, да постапуваат по издадените решенија и да го почитуваат Законот. Во спротивно, општината присилно ќе ги отстрани, со што трошоците за отстранувањето ќе паднат на товар на инвеститорите, односно сопствениците на нелегално поставените објекти’’ порачува Герасимовски.

Општина Центар до крајот на годината ќе спроведе шест Решенија за присилно административно извршување на нелегално поставени објекти и доградби.

Општина Центар 

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Фото: Општина Центар