Општина Охрид со апел жителите на Љубаништа и посетителите отпадот да го фрлаат во контејнери
- Празни контејнери и мини депонии во и околу селото Љубаништа затекнале комуналните инспектори од Општина Охрид, при направените контроли на терен.
![Општина Охрид со апел жителите на Љубаништа и посетителите отпадот да го фрлаат во контејнери](https://mia.mk/index.php/images/20221113183359_big_730x400_45.webp )
Охрид, 21 јули 2022 (МИА) - Празни контејнери и мини депонии во и околу селото Љубаништа затекнале комуналните инспектори од Општина Охрид, при направените контроли на терен.
Од Општината апелираат до мештаните и туристите во село Љубаништа во иднина да водат поголема грижа за јавната чистота и повеќе да не го фрлаат комуналниот отпад на јавни површини и со тоа да прават диви мини депонии.
- Отпадот да го одлагаат во контејнерите, кои уредно се поставени на површина предвидена за таа намена, а чиј број периодов е зголемен од два на пет. Во спротивно, доколку надлежните инспекциски служби и во иднина утврдат фрлање отпад на несоодветно место, сторителите ќе бидат казнети согласно Законот, соопшти општинската прес-служба.сс/бт/
![контејнери љубаништа](/articles/images/%d0%be%d0%bf%d1%88%d1%82%d0%b8%d0%bd%d0%b0-%d0%be%d1%85%d1%80%d0%b8%d0/nvim22anV/placeholder.webp?use_watermark=0)