Белград, 24 декември 2024 (МИА) - Во српскиот град Крагуевац, поради молчењето на опозициските советници и прекинот на струјата во салата, седницата на Градското собрание, која почна вчера во 9 часот, заврши утринава околу 8 часот, пренесува Бета.

Опозициските советници одлучија времето за говор да го искористат за молчење на говорницата, бидејќи о дневниот ред не беа вклучени точки за поддршка на студентските барања.

Дополнителна причина за молчењето било одбивањето на мнозинството да го дополни дневниот ред со предлог за смена на заменик-претседателката на градскиот парламент, Анѓелка Стојковиќ, поради нејзини фашистички изјави за пратеничката Мариника Тепиќ.

Во претпладневните часови, струјата во салата се исклучи токму кога опозицискиот советник Јовица Радовановиќ најави „обраќање со молчење“.

По прекинот, следеа консултации меѓу претседателот на Собранието и шефовите на советничките групи, но опозицијата не го прифати предлогот заменичката усно да се извини, ниту да се одложи поддршката за студентите за по Нова година.

Опозицијата објасни дека молчењето е обид за создавање простор за дијалог и постигнување договор за итна седница. ссм/

фото: пиксабеј