Њујорк, 30 ноември 2023 (МИА) – Обединетите нации го поздравија ветувањето од 200 милиони долари на Германија и Обединетите Арапски Емирати (ОАЕ) на почетокот на самитот на ОН за климатските промени како „значајно“.

Како што пренесе ДПА, на првиот ден од самитот, Германија и ОАЕ соопштија дека ќе придонесат со по 100 милиони долари за помош на земјите кои се најмногу погодени од климатските промени.

- Ветувањата што ги видовме од Германија и од ОАЕ, кои се значителни, беа критични за да нè доведат таму каде што сме и да го усвоиме фондот за загуби и штети, рече портпаролот денеска во Њујорк.

Одлуката се смета за револуционерна. Покрај 200 милиони долари, САД, Јапонија, Британија и ЕУ исто така дадоа помали финансиски ветувања. јт/

Фото: ДПА