ОЕЦД: Пандемиските долгови ќе ги надминат долгорочните трошоци за здравство и пензии

Париз, 19 октомври 2021 (МИА) - Трошоците за отплата на долговите акумулирани во пандемиската криза ќе бидат занемарливи во споредба со оние што ги носат долгорочните трендови како што се финансирање пензии и здравствени услуги во услови на стареење на населението, предупреди ОЕЦД.

Во пандемијата на Ковид-19, државите натрупаа огромни долгови за да им помогнат на граѓаните и компаниите да ја надминат кризата предизвикана од ширењето на инфекцијата и строгите мерки за борба против неа, наведува Организацијата за економска соработка и развој во својот најнов извештај.

Според ОЕЦД, фискалната политика мора да го поддржува јавното здравство и економијата се додека пандемијата не биде целосно совладана, по што владите ќе треба да ја прекинат поддршката за компаниите и да ја преиспитаат фискалната одржливост преку призмата на повисок долг и послаб раст на БДП.

До 2060 година, фискалниот притисок врз членка на ОЕЦД може да се зголеми за осум процентни поени од БДП, доколку владите се стремат да го одржат сегашниот стандард за јавни услуги и социјални права, смета ОЕЦД.

За да го намалат притисокот врз буџетот, земјите можат да усвојат само реформски пакети за зголемување на вработеноста и со тоа зголемување на БДП по глава на жител, забележуваат тие. Ова би можело да го подобри животниот стандард за речиси седум проценти до 2060 година, проценува ОЕЦД, додавајќи дека најзначајното подобрување на стандардите, за девет до 10 проценти, ќе го забележат земјите со најголем „заостаток“, како што се Белгија, Франција и Италија. Ваквите пакети ќе го ублажат фискалниот притисок врз медијалната членка на ОЕЦД за околу 1,75 процентни поени од потенцијалниот БДП до 2060 година или петтина од предвиденото зголемување. Во земјите што ќе имаат најголема корист од реформите на пазарот на трудот, притисокот врз буџетот може да се намали за четири до пет процентни поени од БДП, смета ОЕЦД. паг/

ОЕЦД: Пандемиските долгови ќе ги надминат долгорочните трошоци за здравство и пензии

Тагови

Можно е и ова да ти се допаѓа

Украина загуби повеќе од 40 отсто од територијата во областа Курск, тврди извор од украинската армија

Ердоган ги поздрави налозите за апсење на Меѓународниот кривичен суд против Нетанјаху и Галант

Се урна дел од фасада на зграда на плоштадот во центарот на Загреб

Литванија издвои 10 милиони евра за украинско оружје со долг дострел

Ристески: Се подготвува новогодишната потрошувачка кошничка, граѓаните да ја очекуваат наредниот месец

Хоџај: Османи и Курти припаѓаат на минатото, во февруари ќе има промена на власта

Во израелските напади врз Појасот Газа загинаа најмалку 19 луѓе

Најмалку 11 загинати при израелски воздушен напад врз Бејрут (ДПЛ)

Избор на уредникот

Приватните превозници од понеделник се вклучуваат во сообраќај, но не со целиот капацитет

ОЕЦД: Пандемиските долгови ќе ги надминат долгорочните трошоци за здравство и пензии

Тагови

Можно е и ова да ти се допаѓа

Избор на уредникот

Остани поврзан