Од непозната вирусна пневмонија заразени 44 лица во Кина
- Кинеските власти започнаа истрага за непозната вирусна пневмонија од која се заразени 44 лица во градот Вухан, во централна Кина.
![Од непозната вирусна пневмонија заразени 44 лица во Кина](https://mia.mk/index.php/images/20221103164607_big_730x400_37.webp )
Пекинг, 4 јануари 2020 (МИА) - Кинеските власти започнаа истрага за непозната вирусна пневмонија од која се заразени 44 лица во градот Вухан, во централна Кина.
Од вкупниот број досега потврдени случаи, 11 се сметаат за тешки.
Сингапур и Хонгонг ги надгледуваат сите кои патуваат надвор од овие градови.
На социјалните мрежи се објавуваат вести дека вирусот може да биде поврзан со тешкиот акутен респираторен синдром Сарс.
Полицијата во Вухан соопшти дека осум лица се казнети за ширење лажни вести на Интернет.
Здравствената комисија, пак, соопшти дека ја испитува причината за појавата на болеста, а притоа како можни причини ги наведува грипот, птичјиот грип и респираторните заболувања.
Исто така наведено е дека болеста се пренесува преку личен контакт. паг/