Штип, 28 март 2023 (МИА) - По повод 16 години од своето основање, Универзитетот „Гоце Делчев“ – Штип денеска организира серија настани посветени на годишнината.

Одбележувањето ќе започне во 11:00 часот со отворање на новите простории на Правната клиника при Правниот факултет, на кое, меѓу останатите, ќе присуствуваат и претставничката на Програмска канцеларија на Совет на Европа во Скопје, Ирена Цуцулоска Јакимовска, меѓународниот консултант на Совет на Европа, Џон Имс и националниот консултант на Совет на Европа, Гоце Коцевски,

По ова ќе биде отворена изложба на Ликовна академија и ќе бидат одржани презентации на Технолошко-технички факултетет, на електронските туристички рути на Факултетот за туризам и бизнис логистика, како и на видео приказната на Земјоделскиот и Факултетот за образовни науки.

Настанот ќе заврши со музички настап на џез одделот од Музичката академија. сп/мд/

Фото: МИА Архива