Нов бран мигранти на Лампедуза - вчера пристигнале 670, а само ноќеска уште 333 лица
- Во ноќеска пристигнатите чамци имало државјани на Бангладеш, Египет и Пакистан, кои заминале од Либија, како и мигранти од Гамбија, Нигерија, Сенегал, Малезија и Брегот на Слоновата Коска, кои заминале од Тунис, пренесува Анса.
![Нов бран мигранти на Лампедуза - вчера пристигнале 670, а само ноќеска уште 333 лица](https://mia.mk/index.php/images/20240405113311_big_730x400_64.webp )
Рим, 5 април 2024 (МИА) - На италијанскиот остров Лампедуза синоќа со седум преполни чамци пристигнале 333 мигранти, а вчера во текот на денот со 16 чамци пристигнале 670 мигранти.
Во ноќеска пристигнатите чамци имало државјани на Бангладеш, Египет и Пакистан, кои заминале од Либија, како и мигранти од Гамбија, Нигерија, Сенегал, Малезија и Брегот на Слоновата Коска, кои заминале од Тунис, пренесува Анса.
Меѓу пристигнатите бегалци има жени и деца.
Поради новиот мигрантски бран, на најјужниот италијански остров во моментов има 1.263 лица.
Мигрантите кои пристигнуваат во Лампедуза се префрлени во други делови на Италија.сд/
фото:ЕПА