Ново бебе алпака во скопската Зоолошка градина
- За малото бебе се грижи целата фамилија на алпаки, пишува во објавата.
![Ново бебе алпака во скопската Зоолошка градина](https://mia.mk/index.php/images/20240430132205_big_730x400_92.webp )
Скопје, 30 април 2024 (МИА) - Ново бебе алпака може да се погледне во скопската Зоолошка градина, информираат денеска оттаму, преку социјалната мрежа „Фејсбук“.
- Нашата алпака Фелиција стана мама по вторпат. Дина, која се роди во 2021 година, деновиве доби сестричка. За малото бебе се грижи целата фамилија на алпаки, пишува во објавата на социјалната мрежа.
Во Зоолошката градина во Скопје, овој месец се роди и двогрба камила од фамилијата Бактријан.бд/са/
Фото: Горан Анастасовски/Зоолошка градина Скопје