Нови 66,5 милиони денари за патна инфраструктура во Велес
- Општина Велес со ангажирање на градежната механизација и во наредние денови, се додека дозволат временските услови, интензивно ќе продолжи да работи уште на седум улици во градот.
![Нови 66,5 милиони денари за патна инфраструктура во Велес](https://mia.mk/index.php/images/20231031152029_big_730x400_12.webp )
Велес, 31 октомври 2023 (МИА) - Општина Велес со ангажирање на градежната механизација и во наредние денови, се додека дозволат временските услови, интензивно ќе продолжи да работи уште на седум улици во градот.
Како што информира градоначалникот Марко Колев, во соработка со Светска банка и Министерство за транспорт и врски ќе се реконструираат улиците „Љубљанска", „8 Март" и „Луј Пастер" што води покрај пругата во велешката населба „Керамидна“. Инвестицијата за реконструкција на овие улици е во вредност од 30,5 милиони денари.
Колев информира дека во тек на подготовка е и нова развојна програма на Општина Велес со вредност од 36 милиони денари, со која се опфатени делови од улиците „Раштански пат", „Димитар Влахов", „Борис Трајковски" и „Алексо Демниевски Бауман".
- Со оваа вкупна инвестиција од 66,5 милиони денари значително ќе се подобри состојбата во патната инфраструктура и безбедноста на сите учесници во сообраќајот во градот, потенцира градоначалникот Колев. ад/цр
Фото:МИА