Николов и Начевски ќе ја делат правдата на финалето на Африканското ракометно првенство
- Најдобрата ракометна судиска двојка од Северна Македонија, Ѓорѓи Начевски и Славе Николов, вечерва го судат финалето на Африканското првенство.
![Николов и Начевски ќе ја делат правдата на финалето на Африканското ракометно првенство](https://mia.mk/index.php/images/20221113182146_big_730x400_79.webp )
Египет, 18 јули 2022 (МИА) - Најдобрата ракометна судиска двојка од Северна Македонија, Ѓорѓи Начевски и Славе Николов, вечерва го судат финалето на Африканското првенство.
Нашите арбитри се во центарот на финалниот натпревар помеѓу Египет и Зеленортските Острови.
Тие, исто така, судеа во групната фаза и во елиминациските натпревари на Африканското првенство.
Натпреварот меѓу Египет и Зеленортските Острови ќе се одигра вечерва од 21 часот. ар/бак/