Њујорк, 23 април 2025 (МИА) – Американската професионална кошаркарска лига НБА денеска ги објави имињата на петте играчи номинирани за наградата Карим Абдул Џабар, која се доделува на играчот кој направил најмногу на полето на борбата за социјална правда.

Овогодишните финалисти се Бам Адебајо (Мајами Хит), Харисон Барнс (Сан Антонио Спарс), Крис Баучер (Торонто Репторс), Дру Холидеј (Бостон Селтикс) и Си Џеј МекКолум (Њу Орлеанс Пеликанс), а беа избрани од легендарниот центар Карим Абдул-Џабар, активистот за човекови права Ричард Лапчик, заменикот претседател на Националната урбана лига Марк Моријал и заменикот комесар на НБА лигата Марк Татум.

Добитникот на наградата ќе освои 100.000 долари кои ќе ги донира на хуманитарна организација по сопствен избор.

Наградата Карим Абдул-Џабар е основана пред четири години, а претходните добитници на признанието се Кармело Ентони, Реџи Булок, Стивен Кари и Карл Ентони-Таунс. ег

ФОТО: Фејсбук