На инфективните одделенија во земјава се лекуваат 597 пациенти
- Во изминатите 24 часа е пријавено дека се лекуваат вкупно 334 пациенти позитивни и суспектни на коронавирусот во ковид центрите во болниците низ земјава.
![На инфективните одделенија во земјава се лекуваат 597 пациенти](https://mia.mk/index.php/images/20221105193837_big_730x400_76.webp )
Скопје, 31 јануари 2021 (МИА) - Во изминатите 24 часа е пријавено дека се лекуваат вкупно 334 пациенти позитивни и суспектни на коронавирусот во ковид центрите во болниците низ земјава.
Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 597. Има околу 530 празни болнички кревети во ковид центрите.
Министерството за здравство соопшти дека во болницата во Битола се хоспитализирани 27 пациенти позитивни и суспектни на КОВИД-19.
-Во болницата во Штип се хоспитализирани 39 пациенти. На инфективното одделение во Тетово има 23 пациенти, во Велес се лекуваат 23 болни, а во Куманово 49 пациенти позитивни и суспектни на КОВИД 19. Во ковид центарот во Охрид има хоспитализирано 60 пациенти, во Прилеп 18 во ковид центарот во Гостивар 19, а во Струга 23 болни. Во болницата во Струмица хоспитализирани се 21 пациент, во Кочани 3 во Кичево 8, Кавадарци 13, во Гевгелија 8 лица, а во Дебар 13 позитивни и суспектни на корона вирусот., се наведува во дневниот извештај на Министерството.
Оттаму посочуваат дека во тек на денот се прават и исписи на оздравени пациенти со што ќе се ослободат дополнителни легла.
Инаку, како што информираат, сите одделенија на клиничките болници располагаат со болнички места до кои има довод на кислород.
-Министерството има увид во состојбата со капацитети и доколку има потреба одделенијата ќе бидат дополнително проширени, се наведува во соопштението.бт/дма/