На аеродромот во Скопје пристигна првата група граѓани од Авганистан
- Доцна вечерва на Меѓународниот аеродром Скопје пристигна првата група граѓани од Авганистан. Тие ќе бидат пречекани од министерот за надворешни работи Бујар Османи, заменик амбасадорот на САД
![На аеродромот во Скопје пристигна првата група граѓани од Авганистан](https://mia.mk/index.php/images/20221108152301_big_730x400_73.webp )
Скопје, 30 август 2021 (МИА) – Доцна вечерва на Меѓународниот аеродром Скопје пристигна првата група граѓани од Авганистан. Тие ќе бидат пречекани од министерот за надворешни работи Бујар Османи, заменик амбасадорот на САД во земјава и советници од Кабинетот на премиерот Зоран Заев.
Црвениот крст ќе биде првиот контакт за граѓаните кои стигаат од Авганистан, МВР ќе ги спорведе сите безбедносни проверки, а Министерството за здравство ќе обезбеди ПЦР тест и можност за вакцина. По пристигнувањето на Авганистанците ќе им бидат поделени пакети со храна и со автобуси ќе бидат однесени на здравствени прегледи.
Според информациите од Владата вечерва се очекува да пристигнат 149 граѓани на Авганистан, вработени, соработници и членови на нивни семејства, на меѓународната организација Отворено владино партнерство (Open Government Partnership – OGP) каде што Северна Македонија е официјално членка, како и вработени и соработници на Transparency International, Wold Economic Forum и други меѓународни организации.
-Станува збор за граѓани кои беа животно загрозени од талибанските структури и на кои им помагаме да си го спасат животот. Тоа се граѓани кои 20 години работеа за демократските институции, мисии и меѓународни организации во Авганистан, велат од Владата.
На граѓаните од Авганистан, кои имаат статус на лица со привремен престој им се издава виза за привремен престој од 90 дена, а потоа треба да заминат на друга безбедна дестинација или во САД.ев/дма/
![авганистанци](/articles/images/na-aerodromot-vo-skop-e-pristigna-prvata-grupa-gra-ani-od-avganistan/akb74x6RB/placeholder.webp?use_watermark=0)