Париз, 24 април 2025 (МИА) - Најмалку едно лице загина, а едно е во критична состојба откако ученик избодел со нож најмалку четворица ученици во средното училиште „Нотр-Дам-де-Тут-Аидс“ во француската област Дулон во Нант, пишува Телеграф.

Според првичните информации, напаѓачот е ученик во друго средно училиште.

Ученикот упаднал во две училници и почнал да ги боде децата. Наставниците го совладале пред да пристигне полицијата, пишува Дејли мејл.

Напаѓачот е 15-годишно момче, средношколец во втора година, кој досега не бил познат на полицијата, судството или разузнавачките служби.

Околу пладне се качил на вториот кат од училиштето и го избодел првиот ученик, а потоа се симнал долу и избодел уште најмалку тројца тинејџери. мс/

фото: МИА архива