Намален водостојот на реките, езерата во рамките на просекот
- Водостојот на реките бележи намалување, а на езерата е во рамките на просекот за јуни, покажуваат податоците од мерењата на Управата за хидрометеоролошки работи (УХМР).
![Намален водостојот на реките, езерата во рамките на просекот](https://mia.mk/index.php/images/20221113164836_big_730x400_65.webp )
Скопје, 27 јуни 2022 (МИА) - Водостојот на реките бележи намалување, а на езерата е во рамките на просекот за јуни, покажуваат податоците од мерењата на Управата за хидрометеоролошки работи (УХМР).
Речиси тројно е намален водостојот на Вардар кај Јегуновце, а намалување има и кај Скопје, Велес и Демир Капија. Водостојот на Треска кај Македонски Брод изнесува осум сантиметри наспроти месечниот просек што изнесува 26 сантиметри. Помали се и водостоите на Пчиња кај Катлановска бања, на Крива Река кај Крива Паланка, на Брегалница кај Берово и на Црна река кај Новаци.
Единствено минимално зголемување на водостојот има реката Бабуна кај Богомила.
Според УХМР, водостојот на Дојранското, на Преспанското и на Охридското Езеро е во рамките на просекот за јуни. дма/са/