Над 20 повредени, илјадници евакуирани поради шумските пожари што ја погодија западна Турција
- Шумските пожари низ западна Турција повредија 21 лице и принудија околу 4.000 жители да се евакуираат, соопштија денеска властите, јави ДПА.
![Над 20 повредени, илјадници евакуирани поради шумските пожари што ја погодија западна Турција](https://mia.mk/index.php/images/20240817183052_big_730x400_21.webp )
Истанбул, 17 август 2024 (МИА) - Шумските пожари низ западна Турција повредија 21 лице и принудија околу 4.000 жители да се евакуираат, соопштија денеска властите, јави ДПА.
Пожарот се прошири во пет градови и провинции, вклучувајќи го и третиот по големина град во земјата Измир, објави државната телевизија ТРТ.
-Пламените јазици во Измир траат два дена, а повредено е 21 лице, објави на „X“ градоначалникот на Измир, Џемил Тугај. Никој не е тешко повреден, додаде тој.
Ранетите, меѓу кои шест пожарникари и еден полицаец, моментално се на лекување, рече Тугај.
Вкупно 3.971 жител во четири западни провинции, вклучително и Измир, се евакуирани на безбедно, одделно објави управата за катастрофи во земјата. мс/
фото: МИА архива