Скопје, 19 јули 2024 (МИА) - Министерот за европски прашања, Орхан Муртезани денеска се сретна и со амбасадорот на Чешката Република во Северна Македонија, Јарослав Лудва, со кого разговараше за односите меѓу двете земји, нашиот евроинтегративен процес во контекст на Планот за раст на Европската Комисија за Западен Балкан - механизам за поддршка на земјите од регионов во спроведувањето на реформите поврзани со приближувањето кон Унијата.

Како што стои соопштението, Муртезани се заблагодари за гласната и принципиелна поддршка на Чешката Република за европскиот пат на Северна Македонија и нагласи дека Министерството за европски прашања како надлежна институција за национална координација на евроинтегративниот процес и за координација на странската помош, продолжува да биде на располагање за дополнителна соработка и комуникација во врска со проширувањето на нашата билатерална проектна соработка.

-Соговорниците ги разгледаа модалитетите за продолабочување на соработката фокусирана на размена на искуства во врска со искористувањето на фондовите на ЕУ, преговорите за пристапување во ЕУ, спроведувањето на правото на ЕУ итн. Тие ја реафирмираа одличната комуникација во рамките на Твининг проектите,  залагајќи се за што поголемо искористување на капацитите на чешките експерти во доменот на евроинтеграцијата,  наведуваат од Министерството за европски прашања. вг/цр

Фото: Министерство за европски прашања