Нирнберг, 27 јули 2024 (МИА) - Тренерот на Јувентус, Тијаго Мота, на прес-конференцијата по натпреварот, раскажа какви поуки треба да извлече тимот од загубениот меч со Нирнберг (0:3).

Во рамките на претсезонскиот тренинг, торинскиот тим вчеравечер одигра пријателски натпревар со клубот од Втората германска Бундеслига, во кој претрпе крупен пораз, не успевајќи да постигне ниту еден гол. Нирнберг го предводи најдобриот стрелец во историјата на германската репрезентација Мирослав Клосе.

-Не можевме да влеземе во играта и да ја контролираме. Второто полувреме помина многу подобро, можевме да го израмниме резултатот, можеше да го сврти натпреварот, но тоа не е оправдување. Мислам дека дефинитивно треба и можеме да играме подобро. Но, генерално, без разлика на резултатот, сè останато добро го направивме, изјави Мота за „Tuttosport.com“.

Италијанскиот тренер со бразилско потекло го презеде Јувентус на 12 јуни 2024 година. На крајот на сезоната 2023/24, Бјанконерите го зазедоа третото место во Серија А. зс/

Фото: ЕПА