Морав да преживеам 6 месеци со јаже околу вратот во Јунајтед, вели Ван Гал
- Холанѓанецот ги водеше „црвените ѓаволи“ помеѓу 2014 и 2016 година, по што беше заменет со Жозе Мурињо.
![Морав да преживеам 6 месеци со јаже околу вратот во Јунајтед, вели Ван Гал](https://mia.mk/index.php/images/20221103202025_big_730x400_93.webp )
Манчестер, 10 мај 2020 (МИА) - Поранешниот менаџер на Манчестер Јунајтед, Луис Ван Гал, продолжува да го напаѓа извршниот директор на клубот, Ед Вудворд.
Холанѓанецот ги водеше „црвените ѓаволи“ помеѓу 2014 и 2016 година, по што беше заменет со Жозе Мурињо.
- Најтешко во текот на мојот престој во клубот беше да преживеам 6 месеци со јаже завиткано околу вратот. Мојата сопруга Трус ме предупреди дека тоа ќе биде случај, а жените имаат одличен инстинкт за такви нешта. Таа предвиде што крои Вудворд. Не мислев дека тој навистина ќе го стори тоа. Тоа беше најголемото изненадување во мојата кариера кога Вудворд ме отпушти по втората сезона на Олд Трафорд, изјави Ван Гал за „Мирор“.