МОЛ купи повеќе од 400 бензински пумпи во Полска
- Унгарската нафтена и плинска компанија МОЛ денеска соопшти дека од полските фирми Лотос и ПКН Орлен купи повеќе од 400 бензински пумпи во Полска
![МОЛ купи повеќе од 400 бензински пумпи во Полска](https://mia.mk/index.php/images/20221112024727_big_730x400_37.webp )
Будимпешта, 12 јануари 2022 (МИА) - Унгарската нафтена и плинска компанија МОЛ денеска соопшти дека од полските фирми Лотос и ПКН Орлен купи повеќе од 400 бензински пумпи во Полска.
МОЛ купи 417 бензински пумпи од Лотос во Полска за 610 милиони долари, а од ПКН Орлен за 259 милиони долари купи 185 бензински пумпи во Унгарија и во Словачка.
- Аквизицијата ќе ни обезбеди пристап до најголемата економија во Централна и во Источна Европа и до речиси 40 милиони потенцијални купувачи на нашите производи и услуги, изјави извршниот директор на МОЛ, Золт Хернади.
По најновата аквизиција, МОЛ ќе има вкупно 2.390 бензински пумпи, надминувајќи ја целта за проширување на малопродажната мрежа во Централна и во Источна Европа на 2.200 до 2025 година.
Трансакцијата мора да биде одобрена од страна на Европска комисија. ми/