Моди му потврди на Бајден дека сака да работи на обнова на мирот и стабилноста во Украина
- „Детално разговаравме за различни регионални и глобални прашања, вклучувајќи ја и ситуацијата во Украина. Ја потврдив целосната поддршка на Индија за брзо обновување на мирот и стабилноста“, напиша Моди на платформата X.
![Моди му потврди на Бајден дека сака да работи на обнова на мирот и стабилноста во Украина](https://mia.mk/index.php/images/20240827072652_big_730x400_23.webp )
Њу Делхи, 27 август 2024 (МИА) - Индискиот премиер Нарендра Моди синоќа, во текот на телефонскиот разговор со американскиот претседател Џо Бајден, ја потврдил својата посветеност за враќање на мирот во Украина.
„Детално разговаравме за различни регионални и глобални прашања, вклучувајќи ја и ситуацијата во Украина. Ја потврдив целосната поддршка на Индија за брзо обновување на мирот и стабилноста“, напиша Моди на платформата X.
Тој додаде дека со американскиот претседател разговарал и за ситуацијата во Бангладеш и „потребата од нормализирање на ситуацијата и заштита на малцинствата, особено Хиндусите“.
Моди на 23 август беше во Киев и разговараше со украинскиот претседател Володимир Зеленски. За време на посетата на индискиот премиер беа потпишани четири документи од областа на медицината, земјоделската соработка, хуманитарните односи и културата.сд/
фото:МИА архива