Младите кошаркарки осмопласирани на Европското првенство во Скопје
- На натпреварот за седмото место, репрезентацијата на Норвешка беше подобра од нашата женската младинска репрезентација со резултат 77:45.
![Младите кошаркарки осмопласирани на Европското првенство во Скопје](https://mia.mk/index.php/images/20221113181754_big_730x400_99.webp )
Скопје, 17 јули 2022 (МИА) - Македонската женска кошаркарска репрезентација до 20 години заврши на осмото место на овогодишното издание на Европското првенство Б-Дивизија кое се одржува во Скопје.
На натпреварот за седмото место, репрезентацијата на Норвешка беше подобра од нашата женската младинска репрезентација со резултат 77:45.
Најмногу поени во тимот на Северна Македонија постигнаа Илина Селцова и Теона Поп Стојанова, по осум, додека, по седум поени забележаа Наталија Секуловска и Елена Тасевска.
Додека, на противничката страна, најефективни беа Кајрин Санфорд и Фатима Мухамед кои со 26 поени и шест скока, односно 17 поени и четири асистенции ја предводеа Норвешка. ар/бк/