МЗШВ: Прекинат уште еден ланец на нелегална сеча на дрва во Кичевско
- Во заедничка акција на Шумска полиција од Кичево со граничната полиција, во атарот на село Колари пресретнат е камион со огревно дрво од државни шуми без документи за превоз, соопшти Министерството за земјоделство, шумарство и водостопанство.
![МЗШВ: Прекинат уште еден ланец на нелегална сеча на дрва во Кичевско](https://mia.mk/index.php/images/20240828195445_big_730x400_58.webp )
Скопје, 28 август 2024 (МИА) - Во заедничка акција на Шумска полиција од Кичево со граничната полиција, во атарот на село Колари пресретнат е камион со огревно дрво од државни шуми без документи за превоз, соопшти Министерството за земјоделство, шумарство и водостопанство.
За сторителите се поднесени соодветни пријави до институциите, камионот со кој е превезувано дрвото е одземен и складиран во Полициската станица во Зајас.
Од Министерството посочуваат дека продолжуваат акциите во соработка со МВР, Шумската полиција и Национални шуми.
Максимално ќе се вложиме за стопирање на криминалот и трговијата со нелегално дрво и во борбата против нелегалната сеча на дрвата, се наведува во соопштението. ев/
ФОТО: МЗШВ