Меѓу двата пописа Општина Пустец со 43 отсто помал број жители
- Резултатите од пописот на населението во Албанија покажуваат дека општина Пустец, единствената македонска општина во земјата, е меѓу четирите општини со најголем пад на бројот на жителите.
![Меѓу двата пописа Општина Пустец со 43 отсто помал број жители](https://mia.mk/index.php/images/20240826160931_big_730x400_16.webp )
Дебар, 26 август 2024 (МИА) - Резултатите од пописот на населението во Албанија покажуваат дека општина Пустец, единствената македонска општина во земјата, е меѓу четирите општини со најголем пад на бројот на жителите.
- Во периодот меѓу двата пописа, 2011-2023 година, бројот на населението во Пустец се намалил за 43 отсто, односно од околу 5 илјади на над 1880.
Пустец е меѓу 55 општини во Албанија каде е регистрирано намалување на бројот на населението, стои во анализата на весникот "Монитор". Процентуално, општини со најголем пад на населението, меѓу двата пописа, се општина Селеница со 48%, Пук со 44%, Пустец и Рогожина со 43%.
Од вкупно 61 општина, колку што се, според последната територијална поделба, само во 6 од нив има зголемување на популацијата.
- Податоците од пописот од 2023 година покажуваат дека има значително зголемување на населението во општините каде што доминира грчкото малцинство и тоа Дропул за 135%, Химара со 45% , Саранда со 11%. Во Тирана бројот е повисок за 7,3%, наведува "Монитор". вт/аа/
Фото: Општина Пустец