Берлин, 20 август 2021 (МИА) - Ангела Меркел денеска ќе ја посети Москва, што најверојатно тоа ќе биде последна нејзина посета на Русија како германска канцеларка. Меркел ќе разговара со рускиот претседател Владимир Путин за билатерална соработка, како и за голем број меѓународни прашања. - Планирано е да се разговара за состојбата и перспективите за развој на билатералната соработка во различни области, како и голем број актуелни меѓународни и регионални прашања, се наведува во соопштението на Кремљ. ми/