Марканен играч со најголем напредок сезонава во НБА
- Марканен, кој сезонава го доби и својот прв Ол стар повик, го зголеми личниот просек за речиси 11 поени по натпревар и имаше ефект од 25.6 кошеви, 8.6 скокови и 1.9 асистенции.
![Марканен играч со најголем напредок сезонава во НБА](https://mia.mk/index.php/images/20230425204016_big_730x400_41.webp )
Њујорк, 25 април 2023 (МИА) – Финскиот кошаркар Лаури Марканен е избран за играч кој најмногу напредуваше во текот на оваа сезона во НБА лигата.
Марканен, кој сезонава го доби и својот прв Ол стар повик, го зголеми личниот просек за речиси 11 поени по натпревар и имаше ефект од 25.6 кошеви, 8.6 скокови и 1.9 асистенции.
Финецот е седми интернационалец кој ја освоил оваа награда, приклучувајќи им се на Паскал Сиакам, Јанис Адетокумбо, Горан Драгиќ, Борис Диав, Хеди Туркоглу и Георге Мурешан. ег/
ФОТО: Фејсбук