Маричиќ во рамки на караванот „Ние сме Европа“ во посета на Куќата на Робевци
- Вицепремиерот за европски прашања Бојан Маричиќ денеска во рамки на караванот „Ние сме Европа“ во Охрид, ја посети Куќата на Робевци.
![Маричиќ во рамки на караванот „Ние сме Европа“ во посета на Куќата на Робевци](https://mia.mk/index.php/images/20231018191311_big_730x400_7.webp )
Скопје, 18 октомври 2023 (МИА) - Вицепремиерот за европски прашања Бојан Маричиќ денеска во рамки на караванот „Ние сме Европа“ во Охрид, ја посети Куќата на Робевци.
-Нашата цел и задача е да се заштитува македонското културно наследство, да се обезбеди национално знаење и да се зачува македонскиот идентитет во рамки на европското семејство. Почитувањето на различните културни и традиционални вредности е една од клучните вредности во Европската унија, изјавува Маричиќ, информираат од неговиот кабинет.
Македонскиот интегриран идентитет, посочува Маричиќ, значи идентитет кој се промовира и заштитува рамо до рамо со останатите, идентитет кој е жив, кој се развива и постојано се засилува токму преку зачувување на културното и природното богатство. Идентитетот на државата која се грижи за своите корени и историја, но и се отвора кон нови идеи и влијанија е тој што добива почит од сите нас, но и од пошироката светска јавност.
- Сведоци сме на изложените артефакти пронајдени на локалитети во градот Охрид (Плаошник, Горна Порта, Самоилова Тврдина и др.) и поширокиот Охридски регион. Предмети кои потекнуваат од различни периоди, почнувајќи од раниот неолит, останатите праисториски епохи, антиката, па се до средниот век. Во собата се изложени златни и позлатени предмети со временска припадност од 7. век пне до 4. век од н.е. И доколку сме успеале да ги пронајдеме и заштитиме, наша цел е да создадеме услови да ги пренесеме во македонската колективна меморија, посочува Маричиќ.
При посетата во куќата на Робевци, заедно со Маричиќ, присустуваа и амбасадорот на Република Словенија Грегор Прескер и директорот на агенцијата за промоција и поддршка на туризмот Љупчо Јаневски заедно со директорката на НУ Завод за заштита на спомениците на културата и музеј - Охрид, Ирена Шајн. аа/вј/
Фото: СЕП